Select Page
बुझ्दैनौ तिमी,

मेरो रहरहरुमा पनि विवशता लुकिरहेछन्,
सहरको रमझममा म झन्-झन् एक्लिदै गईरहेछु तर
बुझ्दैनौ तिमी,

मेरा हातका रेखाहरु यसै मेटिएका छैनन्,
सधैँ हाँसेरै बसिरहन्छु किनकि आँशुहरु त सुकेरै गईसकेका छन्,
तर बुझ्दैनौ तिमी,

मेरा सपनाहरु यसै प्रज्वलित हैनन्,
यिनैमा मैले हजारौ राँकेभूतहरुको वलि चढाएको छु
के वुझ्छेउ र तिमी,

तिम्रो अनुहारमा कहिल्यै माटोको दाग परेको छैन,
म शैतानले तान्दा तान्दै जमिन चिरेर भागेको मान्छे हुँ
तिमीले स्वर्गको खुशी मात्र चिनेकी छ्यौ,

मेरा साना झिना कुराहरु
बुझ्दैनौ तिमी ।
(21 March 2021)